عمران خان سے ملاقات‘فیملی کو اجازت مل گئی

عمران خان سے ملاقات‘فیملی کو اجازت مل گئی،عمران خان سے ملاقات کے لیے ڈاکٹر عظمیٰ خان کا نام فائنل کیا گیا ہے،ڈاکٹر عظمی اکیلی گیٹ نمبر 5 سے اڈیالہ جیل جائیں گی۔ سپرنٹنڈنٹ اڈیالہ جیل نے پیغام دیا کہ ون پرسن ون ملاقات اجازت ہے۔جیل حکام نے 29 روز بعد بانی سے ملاقاتیں بحال کر دیں تاہم علیمہ خان، عظمیٰ خان اور بیرسٹر سلمان اکرم راجا کو اجازت نہیں مل سکی۔ ڈاکٹر عظمیٰ خان کو خصوصی گاڑی میں ناکہ سے گاڑی پر جیل لے جایا گیا۔پولیس کی بھاری نفری تعینات ہے جبکہ جیل کی تاریخ کے سخت ترین سکیورٹی انتظامات کیے گئے۔پی ٹی آئی خواتین اور کارکنوں کی بڑی تعداد موجود ہے، ملاقات اجازت ملنے سے کارکنوں کی جانب سے شدید نعرہ بازی کی گئی۔ملاقات کے پیش نظر دفعہ 144 نافذ کرتے ہوئے سیکیورٹی سخت کی گئی ہے جبکہ اڈیالہ روڈ پر واقع تمام تعلیمی اداروں اور دکانوں کو بند کروایا گیا ہے۔پی ٹی آئی نے 6 وکلاء رہنماوں کی فہرست جیل حکام کو بھیجی ہے۔ فہرست میں چیئرمین پی ٹی آئی بیرسٹر گوہر خان، سلمان اکرم راجا اور بیرسٹر سلمان صفدر کا نام شامل ہے جبکہ علی زمان، سردار نبی اور طلعت محمود کے نام بھی فہرست میں شامل ہیں۔بانی پی ٹی آئی کی بہنیں بھی آج ملاقات کے لیے اڈیالہ جیل آئیں گی جبکہ وزیر اعلیٰ کے پی کے سہیل آفریدی کی بھی اڈیالہ جیل آمد متوقع ہے۔ پی ٹی آئی نے تمام اراکین قومی و صوبائی اسمبلی کو بھی اڈیالہ جیل پہنچے کی ہدایت کی ہے۔