عالمگیر شیخ ورلڈ پول کے بورڈ آف ڈائریکٹرز میں شامل
اے سی بی ایس کا کہنا ہے کہ عالمگیر شیخ کیو سپورٹس ایڈمنسٹریشن میں کئی دہائیوں کا تجربہ رکھتے ہیں۔ وہ ایشیا بھر میں بلیئرڈ اور پول کی ترقی میں بھرپور کردار ادا کریں گے،عالمی کیو اسپورٹس کمیونٹی کیلئے ان کی شرکت کے منتظر ہیں۔
عالمگیر شیخ نے کہا کہ یہ میرے اور ملک کیلئے اعزاز ہے، میں ورلڈ پول ایسوسی ایشن کا مشکور ہوں جنہوں نے مجھے بورڈ میں شامل کیا۔ یہ پاکستانی سنوکر اینڈ بلیئرڈ کا دنیا بھر میں بہترین کارکردگی کا اعتراف بھی ہے، بلیئرڈ اینڈ سنوکر میں پاکستانی کھلاڑیوں نے دنیا بھر میں عمدہ کارکردگی کا مظاہرہ کرتے ہوئے ملک کیلئے بے شمار عالمی اعزازات حاصل کئے ہیں۔