شہباز شریف مستعفی ہوں، نئے الیکشن کرائیں: اسد قیصر
پارلیمنٹ ہاؤس کے باہر میڈیا سے گفتگو کرتے ہوئے کہا کہ حکومت کی سنجیدگی کاعالم دیکھیں کہ اجلاس شروع ہوا اور کوئی متعلقہ وزیر موجود نہیں تھا۔ قومی سلامتی کا اجلاس بلایا اس کا نتیجہ کیا نکلا؟ ہم اجلاس میں شامل ہونا چاہتے ہیں لیکن لیڈر تک تو رسائی دیں۔ ان کے پاس ایک ہی طریقہ ہے کہ بس پی ٹی آئی کی قیادت اور ورکرز کو زد و کوب کیا جائے اور انہیں تنگ کیا جائے۔ ہمارے سینکڑوں ورکرز مختلف جیلوں میں ہیں اور ان کے خلاف مزید کیس بنائے جا رہے ہیں۔ اسد قیصر نے یہ بھی کہا کہ افغانستان کے ساتھ جنگ کے متحمل نہیں ہو سکتے۔ ہمارے ہاں جرگوں کا رواج ہے۔