رہائشی پلاٹوں پر کمرشل سرگرمیوں، نوٹیفکیشن واپس
سندھ ہائی کورٹ میں رہائشی پلاٹوں پر کمرشل سرگرمیوں کی اجازت کے خلاف درخواستوں کی سماعت ہوئی۔ ڈی جی سندھ بلڈنگ کنٹرول اتھارٹی نے تحریری جواب عدالت میں جمع کروا دیا۔ سندھ بلڈنگ کنٹرول اتھارٹی نے تحریری جواب میں عدالت کو آگاہ کیا کہ 13 مارچ 2025ء کا نوٹیفکیشن واپس لیا جا رہا ہے۔ اتھارٹی کی یقین دہانی کے بعد عدالت نے جماعت اسلامی و دیگر کی جانب سے دائر درخواستیں نمٹا دیں۔