خواجہ آصف کی تنقید پر ناراض، ایاز صادق ناراض
ذرائع کے مطابق خط میں لکھا کہ قومی اسمبلی کے سپیکر اور ڈپٹی سپیکر کی تنخواہ بڑھانے کے فیصلے سے میرا کوئی تعلق نہیں، سیلری بڑھانے کا فیصلہ وفاقی کابینہ اور وزیر اعظم کا ہے ان کا نہیں۔
ایاز صادق نے کہا کہ وزیر اعظم بے شک میری سیلری نہ بڑھائیں، اپنی سیلری کا معاملہ وزیر اعظم پر چھوڑ دیا، اس معاملے پر فیصلہ وزیراعظم کریں۔ ذرائع کے مطابق سپیکر ایاز صادق نے خط میں خواجہ آصف کے الزامات کا جواب دینے سے گریز کیا۔
خواجہ آصف کی تنخواہ پر تنقید
واضح رہے کہ وزیر دفاع خواجہ آصف نے گزشتہ روز سوشل میڈیا پر ایک بار پھر سپیکر اور چیئرمین سینیٹ کی تنخواہوں میں اضافے پر تنقید کرتے ہوئے اسے قومی خزانے کا استحصال قرار دیا تھا۔
خواجہ آصف نے سپیکر اور چیئرمین سینیٹ سمیت دیگر کی تنخواہ اور مراعات میں بے تحاشہ اضافے کو مالی فحاشی قرار دیا تھا۔ انہوں نے کہا تھا کہ عام آدمی کی زندگی کو ذہن میں رکھیں، ہماری تمام عزت آبرو اس کی مرہون منت ہے۔
