حماس:جنگ بندی معاہدے کی منظوری دے دی
میڈیا کے مطابق حماس نے مصر اور قطر کے ثالثوں کی جانب سے پیش کیے گئے جنگ بندی معاہدے کی منظوری دے دی ہے۔
معاہدے کے تحت غزہ میں 60 روز کے لیے جنگ بند کی جائے گی. اس دوران غزہ میں موجود اسرائیلی یرغمالیوں میں سے نصف کو رہا کیا جائے گا، جبکہ اسرائیلی جیلوں میں قید فلسطینیوں کو بھی رہا کیا جائے گا۔
تجاویز میں غزہ جنگ خاتمے کے لیے جامع معاہدے کا فریم ورک بنانا بھی شامل ہے۔ دوسری جانب اسرائیلی فوج نے گزشتہ روز غزہ میں نئے فوجی آپریشن کی منظوری دی ہے۔
حماس اس سے پہلے بھی بارہا جنگ بند کرنے کی تجاویز پر منظوری دیتی رہی ہے لیکن اسرائیلی وزیراعظم نیتن یاہو نے ہر بار ہٹ دھرمی کا مظاہرہ کرتے ہوئے جنگ بندی کو مسترد کر دیا۔
