جشن آزادی کا جشن، فائرنگ سے بچی سمیت 3 افراد جاں بحق
جشن آزادی کا جشن مناتے کراچی کے مختلف علاقوں میں ہوائی فائرنگ کے نتیجے میں ایک بچی سمیت تین افراد جان کی بازی ہار گئے جبکہ 75 سے زائد شہری زخمی ہوگئے۔ ریسکیو ذرائع کے مطابق زخمیوں کو عباسی شہید ہسپتال، جناح، سول اور گلستان جوہر کے نجی ہسپتال میں منتقل کیا گیا۔
ہوائی فائرنگ کے واقعات لیاقت آباد، کورنگی، لیاری، محمود آباد، اختر کالونی، کیماڑی، جیکسن، بلدیہ، اورنگی ٹاؤن، پاپوش نگر، شریف آباد، نارتھ ناظم آباد، سرجانی ٹاؤن، زمان ٹاؤن اور لانڈھی سمیت کئی علاقوں میں رپورٹ ہوئے۔
پولیس کے مطابق مختلف علاقوں میں کارروائی کے دوران 20 سے زائد ملزمان کو گرفتار کیا گیا۔ گرفتاریاں مبینہ ٹاؤن، لیاقت آباد، پاپوش نگر، سمن آباد، اورنگی ٹاؤن اور کیماڑی سے عمل میں آئیں۔ ملزمان کے قبضے سے جدید اسلحہ اور گولیاں برآمد ہوئی ہیں، جبکہ ان کے خلاف مقدمات درج کر لیے گئے ہیں۔
