بحیرۂ عرب:ہوا کا کم دباؤ ڈپریشن میں تبدیل ہونے کا امکان
محکمہ موسمیات کے مطابق ہوا کے کم دباؤ کا سسٹم کراچی سے تقریباً 1075 کلومیٹر جنوب مشرق میں ہے۔ سسٹم اگلے 36 گھنٹوں کے دوران مزید شدت اختیار کرکے ڈپریشن بن سکتا ہے۔ ابتدائی طور پر یہ سسٹم شمال کی جانب حرکت کرے گا، فی الحال پاکستان کے کسی ساحلی علاقے کو سسٹم سے کوئی خطرہ نہیں۔ موسمیات کا محکمہ سائیکلون وارننگ سینٹر اس سسٹم کی نگرانی کر رہا ہے۔