راولپنڈی: سیکیورٹی فورسز نےبھارتی پراکسی فتنہ الخوارج کا فیڈرل کانسٹیبلری ہیڈکوارٹرز بنوں پر حملہ ناکام بنا دیا۔۔
پاک فوج کے شعبۂ تعلقاتِ عامہ (آئی ایس پی آر) کے مطابق بھارتی اسپانسرڈ خوارج کی جانب سے سیکیورٹی حدود کو توڑنے کی کوشش کی گئی۔ بنوں پر حملے کو ناکام بناتے ہوئے بھارتی پراکسی ’’فتنہ الخوارج‘‘ کے تمام 5 دہشت گردوں کو ہلاک کر دیا گیا ہے ۔
آئی ایس پی آر نے بتایا ہے کہ بھارتی سپانسرڈ شدہ خارجیوں نے حفاظتی حصار کی خلاف ورزی کرنے کی کوشش کی، تاہم ان کے مذموم عزائم کو پاک فوج کے جوانوں کے چوکس اور پرعزم ردعمل سے ناکام بنا دیا گیا۔ مایوسی کے عالم میں خارجیوں نے بارود سے بھری گاڑی کو دیوار سے ٹکرا دیا۔
خودکش دھماکے کے نتیجے میں دیوار جزوی طور پر گر گئی اور ملحقہ شہری انفراسٹرکچر کو نقصان پہنچا جس سے3 بے گناہ شہری زخمی ہوئے۔
غیر متزلزل جرأت اور پیشہ ورانہ مہارت کا مظاہرہ کرتے ہوئے پاک فوج کے جوانوں نے پراکسی، فتنہ الخوارج سے تعلق رکھنے والے پانچوں خوارج کو جہنم واصل کر دیا۔ تاہم فائرنگ کے شدید تبادلے میں فیڈرل کانسٹیبلری اور پاک فوج سے تعلق رکھنے والے 6 بہادر جوانوں نے بہادری سے لڑتے ہوئے فرائض کی ادائیگی میں جام شہادت نوش کیا۔
آئی ایس پی آر کے مطابق علاقے میں کلیئرنس آپریشن جاری رہے گا اور اس گھناؤنے اور بزدلانہ فعل کے مرتکب افراد کو انصاف کے کٹہرے میں لایا جائے گا۔ پاکستان کی سیکیورٹی فورسز قوم کے شانہ بشانہ ملک سےبھارتی سپانسرڈ
