امریکہ: کووڈ کی اقسام تیزی سے پھیلنے لگیں، وارننگ جاری
Nimbus اومیکرون کی انتہائی تیزی سے پھیلنے والی نسل سے تعلق رکھتی ہے، جبکہ Stratus کو حال ہی میں عالمی ادارہ صحت (WHO) نے ویریئنٹ انڈر مانیٹرنگ قرار دیا ہے۔
اگرچہ یہ نئے ویریئنٹس زیادہ تیزی سے پھیل رہے ہیں، لیکن خوش قسمتی سے ان سے بیماری کی شدت یا کووڈ کا خطرہ زیادہ نہیں پایا گیا، کنیکٹیکٹ کے ہسپتالوں میں حالیہ دنوں میں مریضوں کی تعداد میں معمولی اضافہ دیکھا گیا ہے۔
کووڈ کی اقسام تیزی سے پھیلنے
نمبس ویریئنٹ کی علامات میں منہ پر سوجن، گلے میں درد، بخار، کھانسی اور جسم درد شامل ہیں جبکہ Stratus ویریئنٹ کی علامات آواز بیٹھ جانا، گلے کی خرابی، بخار، جسم درد، سونگھنے یا چکھنے کی حس کا ختم ہونا ہے۔
ماہرین کی ہدایات کے مطابق بیمار ہونے کی صورت میں گھر پر رہیں، عوامی مقامات پر ماسک کا استعمال کریں، ویکسین لگوائیں یا بوسٹر ڈوز لیں اور ہاتھوں کی صفائی کا خاص خیال رکھیں۔
