امریکہ نے چین کو ایرانی تیل فروخت کرنیوالے شپنگ نیٹ ورک پر پابندیاں لگا دیں
امریکی محکمۂ خارجہ کا کہنا ہے کہ شپنگ نیٹ ورک نے ایرانی فوج اور اس کی فرنٹ کمپنی کی جانب سے اربوں ڈالرز کا لاکھوں بیرل تیل چین بھیجنے میں سہولت کاری کی۔ ایرانی تیل کی فروخت سے ایرانی ہتھیاروں اور حوثی گروپ کو بحیرۂ احمر میں جہازوں پر حملوں کے لیے فنڈنگ میں مدد ملی۔ امریکہ کی نئی پابندیوں کی مذمت کرتے ہوئے ایرانی وزارت خارجہ کا کہنا ہے کہ مذاکرات کے ماحول میں امریکا کی حالیہ پابندیاں تعمیری نہیں۔ واضح رہے کہ گزشتہ اتوار کو امریکہ ایران جوہری مذکرات کا چوتھا دور عمان میں ہوا ہے۔