اتنا ظلم کریں جتنا مریم برداشت کر سکیں: بیرسٹر سیف
انہوں نے کہا ہے کہ عمران خان کی بہنوں کے ساتھ روا رکھا گیا سلوک قابلِ مذمت ہے۔ عمران خان سے ان کی بہنوں کی ملاقات آئینی و قانونی حق ہے۔ ملاقات کے بجائے عمران کی بہنوں کو گرفتار کر کے ویرانے میں چھوڑ دیا گیا۔ پنجاب حکومت کا یہ اقدام عدالتی احکامات کا مذاق اڑانے کے مترادف ہے۔ بیرسٹر سیف نے کہا ہے کہ پنجاب حکومت عدلیہ کی آزادی کا جنازہ نکال رہی ہے۔ عدلیہ آئین و قانون کی پامالی کا نوٹس لے۔